LEKLI sh.p.k ka përfunduar fazën e parë të ndërtimit të linjës së prodhimit të barnave për përdorim njerëzor, për prodhimin e formave farmaceutike të Ngurta Orale (OSD) dhe të Lëngshme Orale për përdorim të brendshëm.
Nëpërmjet konsulencës dhe partenritetit strategjik me një kompani farmaceutike gjermane po ndërtohet një strukturë bashkëkohore moderne me një investim të konsiderueshëm financiar në dy vite punë intensive.

Objekti dykatësh prej 2000 m² bën pjesë në kompleksin “Tirana Industrial Park”, ne anë të autostradës TR-DR, Km7, Mbikalimi i Kasharit, vetëm 11 km nga Tirana.

Fabrika është projektuar dhe ndërtuar për të përmirësuar dhe zhvilluar në mënyrë cilësore dhe sasiore prodhimin tonë dhe përmbush kërkesat e Praktikës së Mirë të Prodhimit (cGMP) të formave farmaceutike të ngurta dhe të lëngshme për përdorim të brendshëm.

Prodhimi i medikamenteve do përfshijë ato orphan, të virologjisë, të onkologjisë dhe të sëmundjeve të frymëmarrjes.

RRETH LEKLI SH.P.K

LEKLI sh.p.k është një kompani farmaceutike e përqëndruar në studimin e tregut dhe prodhimin e barnave për përdorim njerëzor.
Përvoja jonë në fushën e farmaceutikës fillon që nga viti 1986 dhe konkretizohet në themelimin e kompanisë në vitin 1991 nga Dr. Luan Lekli. Gjate këtyre viteve, LEKLI sh.p.k ia doli te rritet nga një shoqëri farmaceutike e mirënjohur në një kompani me prezencë përtej kufijve.
Në vite jemi specializuar në fushën e sëmundjeve të rralla, duke udhëhequr tregun dhe duke u siguruar që çdo pacient të mund të ketë një jetë më të mirë.
Në 2015-ën, LEKLI sh.p.k ngriti një qendër prodhimi të barnave oficinale, barna me përshkrim specifik dhe përgatesa farmaceutike – përgatesa stoku sipas Farmakopesë Europiane 9.3 (Shtojca) 01/2018: 2619, nga një gamë e gjerë dozimesh NPP dhe forma të ndryshme farmaceutike (tretësira, tableta, kapsula për përdorim nga goja etj.) Përvoja jonë në tregun ballkanik është mbi 30 vite, gjatë të cilave kemi rrënjosur praninë tonë nëpërmjet operimit në Shqipëri dhe Kosovë.
Nëpërmjet ekipit tonë të motivuar, me përvojë dhe të fuqizuar të menaxhimit si dhe një teknologji bashkëkohore, ne udhëheqim tregun në fushat specifike të tregut farmaceutik. 
Për më shumë : www.leklipharma.com/al/